Kyrie eleison. Christe eleison. Kyrie eleison.
Christe audi nos. Christe exaudi nos.
Peter de caelis, Deus, R. Miserere nobis.
Fili, Redemptor mundi, Deus, R.
Spiritus Sancte, Deus, R.
Sancta Trinitas, unus Deus, R.
Sanguis Christi, Unigeniti Patris Aeterni, R. Salva nos.
Sanguis Christi, Verbi Dei Incarnati, R.
Sanguis Christi, Novi et Aeterni Testamenti, R.
Sanguis Christi, in agone decurrens in terram, R.
Sanguis Christi, in flagellatione profluens, R.
Sanguis Christi, in coronatione spinarum emanans, R.
Sanguis Christi, in Cruce effusus, R.
Sanguis Christi, pretium nostrae salutis, R.
Sanguis Christi, sine quo non fit remissio, R.
Sanguis Christi, in Eucharistia potus et lavacrum animarum, R.
Sanguis Christi, flumen misericordiae, R.
Sanguis Christi, victor daemonum, R.
Sanguis Christi, fortitudo martyrum, R.
Sanguis Christi, virtus confessorum, R.
Sanguis Christi, germinans virgines, R.
Sanguis Christi, robur periclitantium, R.
Sanguis Christi, levamen laborantium, R.
Sanguis Christi, in fletu solacium, R.
Sanguis Christi, spes poenitentium, R.
Sanguis Christi, solamen morientium, R.
Sanguis Christi, pax et dulcedo cordium, R.
Sanguis Christi, pignus vitae aeternae, R.
Sanguis Christi, animas liberans de lacu Purgatorii, R.
Sanguis Christi, omni gloria et honore dignissimus, R.
Agnus Dei, qui tollis peccata mundi, parce nobis Domine.
Agnus Dei, qui tollis peccata mundi, exaudi nos Domine.
Agnus Dei, qui tollis peccata mundi, miserere nobis.
V. Redemisti nos, Domine, in Sanguine tuo.
R. Et fecisti nos Deo nostro regnum.
Oremus.
Omnipotens sempiterne Deus, qui unigenitum Filium tuum mundi Redemptorem constituisti, ac ejus sanguine placari voluisti: concede, quaesumus, salutis nostrae pretium ita venerari, atque a praesentis vitae malis ejus virtute defendi in terris, ut fructu perpetuo laetemur in caelis. Per eundem Cristum Dominum nostrum. Amen.
